مطبخ ام وليد _ طاجين المشماش الجزائري ، وصفة رمضانية خفيفة و بنينة 😋😍.

  مطبخ ام وليد _ طاجين المشماش الجزائري ، وصفة رمضانية خفيفة و بنينة 😋😍.        

  سلام عليكم متابعي مطبخ ام و ليد ، للطبخ في الجزائر             
أقدم لكم اليوم في  قسم  اطباق رئيسية :    طاجين المشماش الجزائري ، وصفة رمضانية خفيفة و بنينة 😋😍.        

 :المقادير 

2 اطراف دجاج ، زيت ،سمن،1 حبة بصل،فلفل اسود،قرفة،ملح،ماء ساخن ،حمص،معدنوس؛    

كريات المشماش:لحم مفروم،بصلة صغيرة،معدنوس،1 ملعقة كبيرة شابلور، 1 ملعقة صغيرة سمن، فلفل اسود،قرفة،ملح، بياض بيضة(نحتفض بالصفار)،فرينة،كركم،بيضة كاملة؛    

   
 

التحضير:                             

  في طاجين نضع كمية قليلة من الزيت،السمن ،اطراف الدجاج و نتركهم يتقلاو حتى يتحمر الدجاج و نضيف بصلة تكون مقطعة رقيق و نتركهم يتحمروا، نضيف فلفل اسود،قرفة،ملح و نقليهم مع بعض ثم نضيف الماء الساخن ،الحمص و نغطيه و نتركه يطيب؛    

            

كريات المشماش:في اناء نضع اللحم المفروم،بصلة مقطعة رقيق،شابلور،سمن،فلفل اسود،قرفة،ملح،بياض بيضة و نخلطهم حتى ينساجموا ثم نشكل كريات نضعهم مباشرة في الطاجين يكون على نار قليلة حتى يطيب اللحم؛  

    

  

  

ننزع كريات اللحم بعد ما تطيب و ناخذ اناء نضع فيه بيضة ،فرينة و نخلطهم جيدا مع بعض ثم نضيف كمية من المرق،كركم،قرصة ملح و نخلطهم مع بعض، نضيف رشة خميرة كيماوية و نخلط ثم نضع فيهم كريات اللحم؛

  

ثم نضعهم مباشرة في مقلاة بها زيت ساخنة حتى ياخذوا اللون الاحمر و ننزعهم؛

  

صفار بيضة اللي حتفظنا به نضيف له كمية من المرق و نخلطهم مع بعض ثم نضيف عصرة ليمون و نخلطهم و نضيف الخليط للمرق مع الدجاج؛

  

و نرجع الكريات، نضيف معدنوس مقطع رقيق و نتركهم على نار قليلة و نغلق و نتركهم حتى يغلى و نطفىء و نقدمهم؛

  

  

                     بالصحة و الهنا

مطبخ  ام وليد